Алан-Бәксәр авылы мәдәният йортында мәдәният хезмәткәрләре көне уңаеннан кичә үткәрелде.

25 март көнне Алан-Бәксәр авылы клубында мәдәният хезмәткәрләре көненә багышлап бик күңелле кичә үткәрелде. Бирегә төрле елларда авыл клубында директор, сәнгать җитәкчесе, кино куючы булып эшләгән кешеләр чакырылган иде. Кунаклар караоке-батл уйнадылар, төрле сорауларга җавап бирделәр, үзләренең клубта эшләгән еллардагы хәтирәләре белән уртаклаштылар. Кичә чәй табыны янында тәмамланды.