«Ел экспортеры» конкурсы

Татарстан Республикасы Икътисад министрлыгы (алга таба - Министрлык) Сезгә Бөтенроссия «Ел экспортеры» конкурсында катнашу өчен заявкалар бирү мөмкинлеге турында (алга таба - конкурс) хәбәр итә.  

«Ел экспортеры» конкурсында катнашу бушлай. Анда эре компанияләр, кече һәм урта бизнес компанияләре, шулай ук индивидуаль эшкуарлар катнаша ала. 

Төп номинацияләр:

•  «Сәнәгать өлкәсендә ел экспортеры» (МСП һәм эре бизнес өчен аерым);
• «Машина төзелеше өлкәсендә ел экспортеры» (МСП һәм эре бизнес өчен аерым);
• «АПКның база продукциясе өлкәсендә ел экспортеры» (МСП һәм эре бизнес өчен аерым);
• «АПКның әзер продукциясе өлкәсендә ел экспортеры (югары бүленешләр)» (МСП һәм эре бизнес өчен аерым);
• «Хезмәт күрсәтүләр өлкәсендә ел экспортеры» (МСП һәм эре бизнес өчен аерым);
• «Ел трейдеры» (МСП һәм эре бизнес өчен аерым).

Моннан тыш, һәр премия дәгъвалаучы өстәмә номинацияләрдә катнашуга гариза бирә ала:

• «Ел алга ыргылышы» (МСП өчен);
• «Яңа география» (эре бизнес өчен аерым);
• «Иң яхшы хатын-кыз-экспортер» (МСП һәм эре бизнес өчен аерым);
• «Иң яхшы яшь эшмәкәр-экспортер» (МСП өчен);
• «ESG җаваплы экспортеры» (МСП һәм эре бизнес өчен аерым);
• «Электрон сәүдә өлкәсендә иң яхшы экспортер» (МСП өчен).

Катнашу өчен заявканы 30 июньгә кадәр Россия экспорт үзәге сайтында: https://www.exportcenter.ru/awards электрон анкета тутырып тапшырырга мөмкин.

Башлангыч этапта экспортерлардан бары бер генә документ - Салым органында исәпкә кую турында таныклыкның электрон күчермәсе (ИНН күчермәсе) соратылачак.

Конкурста салымнар, җыемнар, иминият кертемнәре, пенялар һәм штрафлар түләү буенча үтәлмәгән йөкләмәләре, Россия Федерациясе бюджеты алдында срогы чыккан бурычлары булмаган компанияләр катнаша ала. Премиягә дәгъва кылучылар булып, чит ил юридик затлары, шулай ук устав капиталында офшор зоналарында теркәлгән чит ил юридик затлары өлеше 50% тан артып киткән, юридик затлар буларак гамәлгә куелган компанияләр була алмыйлар.  

Катнашу турында тулырак мәгълүматны түбәндәге сылтама буенча белергә мөмкин: https://www.exportcenter.ru/awards/ һәм «Татарстан Республикасы эшкуарлыкны яклау фонды» коммерциягә карамаган микрокредит компаниясенең (алга таба - ЦПЭ) экспортны яклау үзәгендә: +7 (843) 222-90-60 (өстәмә 279) ЦПЭның эшкуарлар белән эшләү бүлегенең әйдәп баручы белгечендә - Ширеева Наталья Евгеньевнада.