Алан-Бәксәр төп гомуми белем бирү мәктәбендә ата-аналар җыелышы үтте.

3 февраль көнне Алан-Бәксәр төп гомуми белем бирү мәктәбендә икенче чирек нәтиҗәләре буенча ата-аналар җыелышы үтте. Ата-аналар каршында мәктәп директоры Надежда Галимҗанова, укыту һәм тәрбия буенча директор урынбасарлары Фәния Каюмова, Елена Хидиятуллина чыгыш ясадылар. Шулай ук чарада катнашучыларга балалар сәламәтлегенә компьютерның тәэсире, гаиләдә балаларда җаваплылык хисе тәрбияләү темаларына докладлар тәкъдим ителде. Ата-аналар арасында тәрбия темасына тест үткәрелде. Гомуми җыелыштан соң ата-аналар сыйныф җыелышларына таралды.